У Гомельскай вобласці ў 2021 годзе ўцягнулі ў гасабарот больш за 190 невыкарыстоўваемых аб'ектаў

Больш за 190 невыкарыстоўваемых аб'ектаў камунальнай уласнасці ўцягнулі ў гаспадарчы абарот у Гомельскай вобласці на працягу 2021 года.

Спецыялісты працягваюць удасканальваць маёмасныя адносіны, забяспечваючы ўлік і дзяржаўную рэгістрацыю нерухомай маёмасці, уцягваючы ў гаспадарчы абарот невыкарыстоўваемую маёмасць, у тым ліку праз правядзенне аўкцыённых таргоў.

На пачатак года агульная плошча будынкаў і збудаванняў камунальнай уласнасці ў рэгіёне – 13,5 млн кв.м. «Па выніках 2021 года па эфектыўнасці выкарыстання маёмасці Гомельская вобласць выйшла на першае месца ў краіне: удзельная вага невыкарыстоўваемых плошчаў самая нізкая сярод рэгіёнаў і складае 2,7% ад агульнай плошчы. У 2021 годзе ўцягнуты ў гаспадарчы абарот, знесены 191 невыкарыстоўваемы аб'ект камунальнай уласнасці, у тым ліку прададзена 54 аб'екта», – адзначылі ў камітэце.

Добрасумленным арандатарам, якія арандуюць дзяржмаёмасць болей трох гадоў, прададзены 21 аб'ект нерухомай маёмасці на Br1,85 млн. З 2013 года вобласць займае лідзіруючую пазіцыю ў рэспубліцы па колькасці прададзеных арандатарам аб'ектаў нерухомай маёмасці. Усяго з 2013 па 2021 год арандатарам рэалізавана 299 аб'ектаў.

«Дзякуючы сістэмнай рабоце і ўзаемадзеянню камітэта, гаррайвыканкамаў і органаў кіравання аблвыканкама Гомельская вобласць па многіх напрамках у рабоце з маёмасцю дасягнула пэўных вынікаў. Разам з тым яшчэ ёсць шэраг рэзерваў, якія трэба задзейнічаць, каб выканаць усе пастаўленыя задачы», – падкрэслілі ў камітэце.