У Беларусі ўпершыню дзякуючы стварэнню інтэрактыўнага 5D-пашпарта арганізаваны аўкцыён па продажы маёмасці

У Беларусі ўпершыню дзякуючы стварэнню інтэрактыўнага 5D-пашпарта арганізаваны аўкцыён па продажы размешчаны ў г.Беразіно будынка помніка архітэктуры «Сядзібны дом Графа Патоцкага».

Як адзначылі ў камітэце «Мінскаблмаёмасць», Мінскім абласным агенцтвам па дзяржаўнай рэгістрацыі і зямельным кадастры па заказе Бярэзінскага райвыканкама быў рэалізаваны праект па стварэнні інтэрактыўнага 5D-пашпарта сядзібнага дома («лічбавага двайніка»), які ўтрымлівае ўсе асноўныя характарыстыкі збудавання і яго канструктыўныя элементы.

Будынак доўгі час не выкарыстоўваўся, і ў ім таксама адсутнічаюць некаторыя канструктыўныя элементы, якія дазволілі б забяспечыць доступ на ўсе паверхі з мэтай правядзення замеру для вырабу тэхнічнай дакументацыі. Аднак выкарыстанне тэхналогій 5D-праектавання дазволіла скласці тэхнічныя дакументы на дадзены аб'ект і выставіць яго на таргі.

Створаны інтэрактыўны 5D-пашпарт дазволіць патэнцыяльным пакупнікам «прагуляцца» у віртуальнай прасторы па помніку архітэктуры, а ў наступным яго магчыма будзе выкарыстоўваць пры рэканструкцыі (рэстаўрацыі) будынка і звязаных з дадзенымі работамі даследаваннях.

Пачатковы кошт продажу складае Br142 тыс. Аўкцыён прызначаны на 4 ліпеня 2022 года ў 11:00. Падрабязная інфармацыя размешчана на сайце камітэта «Мінскаблмаёмасць».