Старшыня Дзяржкаммаёмасці Дзмітрый Матусевіч ажыццявіў рабочую паездку ў Лепель

Старшыня Дзяржаўнага камітэта па маёмасці Дзмітрый Матусевіч з рабочым візітам наведаў Лепельскі філіял Віцебскага агенцтва па дзяржаўнай рэгістрацыі і зямельным кадастры.

Кіраўнік ведамства азнаёміўся з матэрыяльна-тэхнічнай базай прадпрыемства, умовамі працы работнікаў, а таксама з ключавымі паказчыкамі фінансава-эканамічнай дзейнасці філіяла. 

Падчас сустрэчы з працоўным калектывам прадпрыемства Дзмітрый Матусевіч адзначыў, што Год гістарычнай памяці ў Беларусі пройдзе пад знакам захавання гераічнай спадчыны і праўды аб усіх перыядах жыцця беларускага народа.

"Сёння гістарычная памяць беларусаў падвяргаецца розным фальсіфікацыям і пагрозам. Нашы апаненты ў краіне і за мяжой распаўсюджваюць ілжывую інфармацыю аб нашай гісторыі і скажаюць даўно ўстояныя факты. Таму ў цяперашні час асабліва неабходна прапрацоўваць падыходы, вызначаць выразную стратэгію і тактыку нацыянальнай гістарычнай палітыкі», – сказаў старшыня Дзяржкаммаёмасці.

Дзмітрый Матусевіч таксама дадаў, што значнасць тэмы гістарычнага мінулага беларускага народа знайшла сваё адлюстраванне ў абноўленай Канстытуцыі Рэспублікі Беларусь, падтрыманай народам на рэспубліканскім рэферэндуме ў лютым гэтага года.

«Упэўнены, што святы абавязак усіх беларусаў – памятаць аб гэтых падзеях, а таксама не даваць іншым забываць або, тым больш, скажаць праўду аб гісторыі нашай краіны», – рэзюмаваў кіраўнік камітэта. 

У завяршэнні сустрэчы работнікі змаглі задаць пытанні, якія іх цікавяць, а таксама абмеркаваць перспектывы далейшага развіцця філіяла і ўнесці прапановы па развіцці ўсёй сістэмы Дзяржкаммаёмасці ў цэлым.