Прапановы для інвестараў: выстаўлены на таргі аб'екты дзяржуласнасці ў Брэсце і вобласці

Камітэт  «Брэстаблмаёмасць» запрашае інвестараў для ўдзелу ў арганізаваных электронных таргах па продажы асобных аб'ектаў дзяржаўнай уласнасці, якія знаходзяцца ў Брэсце і Столінскім раёне Брэсцкай вобласці.

Так, Брэсцкім гарвыканкамам прапанаваны да продажу комплекс аб'ектаў, які знаходзіцца ў камунальнай уласнасці горада.

На электронныя таргі, якія пройдуць 17 снежня, выстаўлены комплекс будынкаў і права заключэння дагавора арэнды зямельнага ўчастка. Аб'екты знаходзяцца ў Брэсце па адрасе вул. Савецкая, 96, 98, 100, 102/1, вул. Дзяржынскага, 39. 

Будынкі размешчаны ў цэнтры горада і знаходзяцца ў стадыі рэканструкцыі. Комплекс складаецца з пяці нежылых аб'ектаў агульнай плошчай 1080,7 кв.м, два з якіх з'яўляюцца аб’ектамі гісторыка-культурнай каштоўнасці. Аб'екты не выкарыстоўваюцца больш за 14 гадоў і знаходзяцца ў нездавальняючым стане. З улікам гэтага адной з асноўных умоў продажу з'яўляецца рэстаўрацыя (рэканструкцыя) капітальных збудаванняў, якія з'яўляюцца гісторыка-культурнай каштоўнасцю, і рэканструкцыя або знос астатніх капітальных збудаванняў. Комплекс будынкаў размешчаны на пяці зямельных участках (0,0305 га, 0,0152 га, 0,0549 га, 0,0234 га, 0,0280 га), якія даюцца ў арэнду тэрмінам на 50 гадоў.

Пачатковы кошт прадмета электронных таргоў – 395 385,88 руб.  Памер задатку – 79 тыс. руб.  

Прадавец нерухомай маёмасці – камунальнае ўнітарнае прадпрыемства па аказанні паслуг «Брэсцкі гарадскі цэнтр па кіраванні нерухомай маёмасцю». Падрабязную інфармацыю можна знайсці тут або па тэлефонах: 8(0162) 53 45 65, 53 81 92, 21 02 11.

Не менш цікавыя аб'екты нерухомай маёмасці, прапанаваныя для продажу ў Столінскім раёне.

На продаж выстаўлены комплекс будынкаў і збудаванняў былога свінакомплекса, размешчанага па адрасе: Брэсцкая вобл., Столінскі р-н, Плотніцкі с/с, больш на ўсход ад аг. Плотніца. Таргі адбудуцца 30 лістапада.

Свінакомплекс уключае ў сябе 27 капітальных збудаванняў агульнай плошчай 23460 кв.м.  Праектная магутнасць свінакомплекса – 8,5 тыс. галоў у год.

Капітальныя збудаванні размешчаны на двух зямельных участках агульнай плошчай 29,147 га. Яны даюцца ў арэнду на 50 гадоў, маюць пэўныя абмежаванні ў выкарыстанні. Мэтавае прызначэнне – размяшчэнне аб'ектаў вытворчасці і (або) гандлю, і (або) паслуг, і (або) грамадскага харчавання, і (або) тэхнічнага абслугоўвання транспартных сродкаў.

Свінакомплекс размешчаны ў 18 км ад аўтадарогі Р6 (Івацэвічы–Пінск-Столін) і 30 км ад Століна, у 39 км ад чыгуначнай станцыі Гарынь, у 18 км ад чыгуначнай станцыі Відзібор (усе дарогі з асфальтабетонным пакрыццём).

Аднымі з асноўных умоў для пакупніка комплексу з'яўляюцца ажыццяўленне прадпрымальніцкай дзейнасці з выкарыстаннем набытай дзяржаўнай маёмасці на працягу 5 гадоў, стварэнне рабочых месцаў для працаўладкавання не менш 20 чалавек не пазней за 2 гады з даты падпісання акта прыёму-перадачы дзяржаўнай маёмасці і захаванне колькасці створаных рабочых месцаў на працягу 5 гадоў. 

Пачатковы кошт прадмета электронных таргоў – 5 517 619 руб. Памер задатку – 1 000 000 руб.  

Прадавец нерухомай маёмасці – КСУП «Прыпяць – 2009». Падрабязную інфармацыю можна знайсці тут або па тэлефонах: 8 (1655) 28119, 3 03 92, 3 94 39.

Акрамя таго, на продаж выстаўлены комплекс будынкаў і збудаванняў вінаробнага завода з устаноўленым абсталяваннем.

Электронныя таргі пройдуць 3 снежня. Аб'екты размешчаны па адрасе: Брэсцкая вобл., Столінскі р-н, Беражноўскі с/с, п. Новаберажное, 11.

Комплекс вінаробнага завода ўключае ў сябе 16 капітальных збудаванняў агульнай плошчай болей 9 тыс. кв.м і 151 адзінку абсталявання для перапрацоўкі, вытворчасці і разліву пладовых він магутнасцю да 150 тыс. дал у год.

Капітальныя збудаванні размешчаны на зямельных участках агульнай плошчай 7,709 га.  Яны даюцца ў арэнду на 50 гадоў, маюць пэўныя абмежаванні ў выкарыстанні. Мэтавае прызначэнне – размяшчэнне аб'ектаў вытворчасці і (або) гандлю, і (або) паслуг, і (або) грамадскага харчавання, і (або) тэхнічнага абслугоўвання транспартных сродкаў.

Вінаробны завод размешчаны ў 2,3 км ад аўтадарогі Р88 (Жыткавічы-Давыд-Гарадок-гр.Украіны) і 60 км ад аўтадарогі М-10, у 16 км ад Століна і ў 27 км ад чыгуначнай станцыі Гарынь (дарогі з асфальтабетонным пакрыццём).

Аднымі з асноўных умоў для пакупніка комплексу з'яўляюцца ажыццяўленне прадпрымальніцкай дзейнасці з выкарыстаннем набытай дзяржаўнай маёмасці на працягу 2 гадоў, стварэнне рабочых месцаў для працаўладкавання не менш 30 чалавек не пазней за 6 месяцаў з даты падпісання акта прыёму-перадачы дзяржаўнай маёмасці і захаванне колькасці створаных рабочых месцаў на працягу 2 гадоў. 

Пачатковы кошт прадмета электронных таргоў – 1 410 820,5 руб. (кошт зніжаны на 50%). Памер задатку – 280 000 руб.

Прадавец нерухомай маёмасці – КСУП «Беражлівае». Тэлефоны для даведак: 8 (1655) 2 81 19, 31 2 30, 31 2 65.

Атрымаць кансультацыю аб праходжанні акрэдытацыі і ўдзеле ў электронных таргах можна патэлефанаваўшы арганізатарам электронных таргоў (камітэт «Брэстаблмаёмасць») па тэлефонах: 8 (0162) 21 11 99, 20 87 85 або спецыялістам Беларускай універсальнай таварнай біржы: 8 (017) 309-37-44, 309-32-09, 309-32-49, +375 (29) 198-78-19.