Першыя таргі года камітэта «Брэстаблмаёмасць» аказаліся выніковымі

Камітэт «Брэстаблмаёмасць» паспяхова адкрыў новы сезон продажу дзяржаўнай маёмасці. Першыя электронныя таргі прайшлі на пляцоўцы Беларускай універсальнай таварнай біржы. На продаж было выстаўлена два аб'екта нерухомай маёмасці камунальнай уласнасці Іванаўскага раёна, абодва – за базавую велічыню (1 БВ – Br32). Два лота прададзены па пачатковым кошце з павелічэннем на 5% адзіным заяўнікам. Так, будынак базавай школы ў вёсцы Гнеўчыцы набыла сялянская фермерская гаспадарка, лазню ў вёсцы Патапавічы – мясцовы жыхар.

Усяго на студзень–люты камітэт «Брэстаблмаёмасць» прызначыў электронныя таргі па 26 аб'ектах нерухомай маёмасці. Гэта аб'екты адміністрацыйнага прызначэння, аховы здароўя (аптэкі), сацыяльнага (былыя школы, лазні, бібліятэкі) і сельскагаспадарчага прызначэння, гаражы, аб'екты незавершанага будаўніцтва.

Амаль палова лотаў прапануецца з паніжэннем кошту на 50%, восем выстаўляюцца ўпершыню. Сярод іх – незавершанае капітальнае збудаванне ў аграгарадку Падгорная Баранавіцкага раёна недалёка ад возера Гаць. Таргі па аб'екце з пачатковым коштам продажу Br87,4 тыс. прызначаны на 14 студзеня. На паўторныя таргі за паўцаны (Br2,7 млн) выстаўляецца былы свінакомплекс у Столінскім раёне і шахматны клуб са статусам гісторыка-культурнай каштоўнасці ў Пінску (Br107,4 тыс.).

У 2021 годзе на тэрыторыі Брэсцкай вобласці прададзена з таргоў 139 аб'ектаў нерухомай маёмасці камунальнай і рэспубліканскай уласнасці на Br5,2 млн, у тым ліку нерухомай маёмасці на Br4,6 млн.