Мінскае абласное агенцтва па дзяржрэгістрацыі і зямельным кадастры прэзентавала 5D-пашпарт СЭЗ «Мінск»

Мінскае абласное агенцтва па дзяржаўнай рэгістрацыі і зямельным кадастры прэзентавала праект «Інтэрактыўны 5D-пашпарт» пляцоўкі, якая ўваходзіць у тэрыторыю СЭЗ «Мінск». Мерапрыемства прайшло на базе Мінскага абласнога выканаўчага камітэта.

Прадстаўлены праект прызнаны маючым значэнне для развіцця інвестыцыйнага патэнцыялу не толькі СЭЗ «Мінск», але і іншых пляцовак, размешчаных на тэрыторыі Мінскай вобласці.

У ходзе абмеркавання праекта была дасягнута дамоўленасць развіваць тэрыторыю СЭЗ «Мінск» з ужываннем тэхналогій інтэрактыўнага 5D-пашпарта, а таксама забяспечыць адпаведнае абслугоўванне з выкарыстаннем падыходаў «блокчэйн».

Акрамя таго, Мінскім абласным выканаўчым камітэтам прапанавана прыняць удзел у развіцці іншых пляцовак для прыцягнення знешніх інвестыцый.

Для даведкі: інтэрактыўны 5D-пашпарт мае – стварэнне прасторавай мадэлі будынка з рэальнымі габарытамі, дзякуючы якой патэнцыйны пакупнік літаральна здзяйсняе тур з трохмерным апусканнем. Акрамя таго, дадзеная тэхналогія дае магчымасць мадэляваць унутраны выгляд памяшканняў з улікам пажаданняў кліента, напрыклад, дадаваць элементы інтэр'еру, расстаўляць абсталяванне, пераносіць сцены, дазваляючы не толькі ўбачыць аб'ект у актуальным стане, але і паказаць, якім ён можа стаць у перспектыве з улікам планаў патэнцыйнага пакупніка.