Лічбавізацыя, геаданыя, зямельныя рэсурсы: Старшыня Дзяржкаммаёмасці выйшаў з дакладам на ПМЭФ

Старшыня Дзяржаўнага камітэта па маёмасці Рэспублікі Беларусь Дзмітрый Матусевіч прымае ўдзел у XXV Пецярбургскім міжнародным эканамічным форуме. У рамках пасяджэння секцыі «Спалучаючы прастору і тэхналогіі: новыя рашэнні для комплекснага развіцця тэрыторый» кіраўнік камітэта выйшаў з дакладам аб перспектывах стварэння і развіцця лічбавых платформ прасторавых даных у рамках Саюзнай дзяржавы і партнёрства членаў Садружнасці незалежных дзяржаў.

«У нашых краін агульная гісторыя і, адпаведна, можа быць добрая, узаемавыгадная будучыня. Якія перадумовы для гэтага? Па-першае, наша агульная навуковая школа яшчэ з савецкіх часоў. Для развіцця інфраструктуры прасторавых даных, імпартанезалежнасці нам патрэбны навуковыя кадры, якія будуць закладваць тэарэтычную аснову», – сказаў Дзмітрый Матусевіч.

У апошнія гады актыўна паступаюць запыты з боку бізнесу, у прыватнасці наконт развіцця кропкавага земляробства, беспілотнай тэхнікі, адзначыў Старшыня Дзяржкаммаёмасці. «Гэта ўжо рэальныя кейсы, якія працуюць і ў Беларусі, і ў Расіі. Напрыклад, нядаўна на спецыялізаванай выставе «Белагра» быў паказаны беспілотны трактар, у ім ужо фізічна не кабіна, таму для яго работы патрэбна навігацыйная сістэма дакладнасці», – расказаў Старшыня камітэта.

Па-трэцяе, санкцыйны ціск, а таксама лічбавы суверэнітэт. «Зараз для нас актуальная тэма абароны персанальных даных. І Росрэестр, і Дзяржаўны камітэт па маёмасці Беларусі, і іншыя рэгіструючыя органы ўладаюць вялізным аб'ёмам даных аб нашых грамадзянах, юрасобах. Гэтыя звесткі трэба абараняць. Таму гэта вельмі важны кампанент у нашай рабоце, у тым ліку і сумеснай», – падкрэсліў Дзмітрый Матусевіч.

Глава Дзяржкаммаёмасці таксама адзначыў, што пад кіраўніцтвам Росрэестра фарміруецца павестка геапартала краін СНД. «У мінулым годзе мы прынялі закон аб нацыянальнай інфраструктуры прасторавых даных, і з дапамогай Росрэестра будзем ствараць беларускі інфраструктурны праект. Запэўнена заяўляю, што ён будзе спалучацца з расійскім, у яго мы будзем закладваць магчымасці сумеснай работы ў рамках Пагаднення і Саюзнай дзяржавы».

Дзмітрый Матусевіч адзначыў, што ў Беларусі 2022-ы аб'яўлены Годам гістарычнай памяці. «Мы ўдзельнічаем у гэтым працэсе. У прыватнасці, на публічнай кадастравай карце нанеслі ўсе мемарыялы з геапрывязкамі, фатаграфіямі, сціслым апісаннем. Таксама мы нанеслі ўсе спаленыя вёскі. У Беларусі іх аказалася больш за 10 тыс. Мы можам такую работу рабіць сумесна, у тым ліку і па краінах, дзе зараз многія помнікі знішчаюцца, а такім чынам мы пакінем аб іх лічбавы след. Гэта надзвычай важна», – падкрэсліў кіраўнік Дзяржкаммаёмасці.

У рамках форума Дзмітрый Матусевіч таксама азнаёміўся са стэндам Росрэестра, дзе прадстаўлены новыя лічбавыя сервісы, функцыянал якіх можна апрабаваць на тач-панэлі.

Пецярбургскі міжнародны эканамічны форум – адна з самых маштабных і значных дзелавых падзей у свеце. ПМЭФ праходзіць штогод пачынаючы з з 1997 года. За 25 гадоў ён заваяваў статус вядучай сусветнай пляцоўкі для абмеркавання ключавых пытанняў глабальнай эканомікі і абмену лепшымі сусветнымі практыкамі і кампетэнцыямі для забеспячэння трывалага развіцця. З 2005 года форум праводзіцца пад патранатам і пры ўдзеле Прэзідэнта Расійскай Федэрацыі.