Дзмітрый Матусевіч: Удмурцкая Рэспубліка – буйны прамысловы рэгіён, у якім можна ажыццяўляць шырокі спектр кантрактацый і субкантрактацый

Адбылося пасяджэнне рабочай групы па супрацоўніцтве Рэспублікі Беларусь з Удмурцкай Рэспублікай Расійскай Федэрацыі. Галоўным стала абмеркаванне пытанняў стварэння аб'яднанага комплекснага дылерскага і сервіснага цэнтра прадстаўнікоў ААТ «МАЗ» – ККХ «БЕЛАЎТАМАЗ» і ААТ «АМКАДОР» – ККХ», узаемадзеяння Беларускай чыгункі з прадпрыемствамі Удмурцкай Рэспублікі па прапрацоўцы і рэалізацыі ўзаемавыгадных працэсаў, размяшчэнні аб'ектаў аграпрамысловага комплексу ў гэтым расійскім рэгіёне, удзелу беларускіх вытворцаў тэхнікі і абсталявання ў рэалізацыі праграм па абнаўленні матэрыяльна-тэхнічнай базы прадпрыемстваў Удмурціі.

Як адзначыў Старшыня Дзяржаўнага камітэта па маёмасці Рэспублікі Беларусь Дзмітрый Матусевіч, Удмурцкая Рэспубліка – гэта буйны прамысловы рэгіён, у якім можна ажыццяўляць шырокі спектр кантрактацый і субкантрактацый.

«Дэлегацыя з Удмурціі, якая наведвае зараз Беларусь, настроена на супрацоўніцтва. Яна наведае Беларускую чыгунку, «Белнафтахім», другія канцэрны, жыллёва-камунальныя, машынабудаўнічыя арганізацыі. Таксама намячаецца абмеркаванне стварэння сумесных прадпрыемстваў. Мы пастаўляем у рэгіён нашу тэхніку. Напрыклад, у жніўні адправілі першую партыю беларускіх аўтобусаў МАЗ (30 адзінак) і да канца года давядзем пастаўкі да 100 адзінак. Гэтыя закупкі зрабіла не муніцыпальная, а менавіта прыватная кампанія, якая ацаніла якасць нашага машынабудавання. Сёлета таксама ўзрос тавараабарот з Удмурцкай Рэспублікай. У прыватнасці, да спадобы прыйшліся нашы класічныя прадукты. Па сырах экспарт павялічыўся ў сем раз. Добра пайшла прадукцыя дрэваапрацоўкі. Для Беларусі заўсёды было важна пастаўляць у рэгіён і другія айчынныя прадукты і тавары. У нас узаемавыгаднае супрацоўніцтва, нездарма мы сталі для рэгіёна другім гандлёвым партнёрам», – дадаў Дзмітрый Матусевіч.

У сваю чаргу Пастаянны прадстаўнік Главы Удмурцкай Рэспублікі пры Прэзідэнце Расійскай Федэрацыі – намеснік Старшыні Урада Удмурцкай Рэспублікі Міхаіл Хоміч падкрэсліў: «Беларусь для нас – галоўны гандлёвы партнёр. Лічбы таксама гэта пацвярджаюць. Паміж намі супрацоўніцтва развіваецца вельмі дынамічна. Для нас цікавыя беларускае машынабудаванне, станкабудаванне, сельскагаспадарчая і пасажырская тэхніка, прадукты харчавання».

У ходзе пасяджэння было адзначана, што перспектыўных напрамкаў для супрацоўніцтва яшчэ многа. У прыватнасці, новыя сумесныя праекты ў прамысловасці і сельскай гаспадарцы. Ужо па выніках гэтага года тавараабарот паміж Беларуссю і Удмурціяй можа перавысіць 200 млн долараў.