Дзмітрый Матусевіч прыняў удзел ва ўрачыстых мерапрыемствах, прысвечаных Дню ведаў

Сёння Старшыня Дзяржаўнага камітэта па маёмасці Дзмітрый Матусевіч прыняў удзел ва ўрачыстым мерапрыемстве, прысвечаным Дню ведаў, у гімназіі №174 г.Мінска.

«Дарагія вучні, прыміце шчырыя віншаванні з пачаткам новага навучальнага года. Для першакласнікаў школа сёння ўпершыню адкрыла свае дзверы, для адзінаццатых класаў школьны званок на ўрачыстай лінейцы прагучыць у апошні раз, а навучальны год стане вырашаючым перад пачаткам новага жыццёвага этапу. Таму сёння вам асабліва трэба сфакусіравацца на тым, што будзе важна пры паступленні на чарговы адукацыйны этап», – сказаў Дзмітрый Матусевіч.

Старшыня камітэта таксама канстатаваў, што Дзяржаўны камітэт па маёмасці на пастаяннай аснове працуе з Міністэрствам адукацыі па падрыхтоўцы картаграфічнай прадукцыі: атласаў, контурных карт і дапаможнікаў. «Дзяржкаммаёмасць, акрамя іншага, вядзе і культурна-асветніцкую работу. Таму дазвольце ўручыць школе насценную карту «Мая Радзіма – Беларусь» і «Гістарычны атлас Беларусі». Выданні азнаёмяць вас з прыроднымі і культурнымі славутасцямі Беларусі і адкрыюць новыя старонкі гісторыі нашай роднай краіны», – дадаў Дзмітрый Матусевіч.

У сваю чаргу дырэктар гімназіі Марына Вайценкова павіншавала ўсіх прысутных з Днём ведаў і адзначыла: «Гэты навучальны год мы пачнём з урачыстай цырымоніі падняцця Дзяржаўнага сцяга Рэспублікі Беларусь. Мы расцэньваем гэта, як даніну памяці нашаму гераічнаму мінуламу, гатоўнасць і жаданне ствараць славутае сапраўднае і ўпэўненасць у будучыні. Дарагія сябры, хачу пажадаць вам упартай працы, настойлівасці, здароўя і сапраўдных сяброў».

У завяршэнне ўрачыстага мерапрыемства Дзмітрый Матусевіч наведаў урок «Гістарычная памяць – дарога ў будучыню».