«Белгеадэзія» упаўнаважана на ажыццяўленне дзяржаўнай паверкі сродкаў вымярэння

Дзяржаўнае прадпрыемства «Белгеадэзія» атрымала пасведчанне аб ажыццяўленні дзяржаўнай паверкі геадэзічных сродкаў вымярэння ў сферы заканадаўчай метралогіі.

У рамках паверкі праводзяцца работы па метралагічнай ацэнцы, у ходзе якой пацвярджаецца адпаведнасць сродкаў вымярэння абавязковым патрабаванням. Пад катэгорыю геадэзічных сродкаў вымярэння падпадае GNSS-апаратура, нівеліры, дальнамеры, тэадаліты, аптычныя і электронныя тахеометры, якія дазваляюць праводзіць вымярэнні вуглоў і адлегласцей на мясцовасці з зададзенай дакладнасцю. 

Метралагічныя параметры гэтых прыбораў вызначаны іх тэхнічнымі характарыстыкамі. Таму пры вытворчасці работ трэба выкарыстоўваць павераныя прыборы, паказанні якіх не будуць выходзіць за межы зададзеных паказчыкаў дакладнасці, вызначаных пры метралагічным кантролі.

Тэрмін дзеяння пасведчання на правядзенне паверкі вызначаны да 16 лістапада 2026 года.