Акцыі сумеснага адкрытага акцыянернага таварыства «Камунарка» уключаны ў каціравальны ліст біржы

Акцыі СААТ «Камунарка» (г. Мінск) прайшлі працэдуру лістынга ў Беларускай валютна-фондавай біржы і з 15 студзеня 2021 г. дапушчаны да звароту на пляцоўцы «Рынак дзяржпрадпрыемстваў». Доля горада Мінска ў статутным фондзе складае 75,8 %.

СААТ «Камунарка» з'яўляецца адным з найбуйнейшых вытворцаў кандытарскіх вырабаў у Рэспубліцы Беларусь. Прадпрыемства пастаўляе прадукцыю больш чым у 26 краін свету: Расію, Грузію, Казахстан, Туркменістан, Азербайджан, Узбекістан, Кыргызстан, Таджыкістан, Украіну, Балгарыю, Германію, Польшчу, Літву, Латвію, ЗША, Ізраіль, Кітай, Манголію, Тайланд, Швейцарыю, Японію і інш.

Праходжанне працэдуры лістынга падразумявае ажыццяўленне кантролю адпаведнасці каштоўных папер і эмітэнта ўмовам і патрабаванням, якія вызначаны фондавай біржай. 

Для даведкі: Перавагі для кампаніі, акцыі якой прайшлі працэдуру лістынга на фондавым рынку, заключаюцца ў павышэнні надзейнасці і павелічэнні даверу да каштоўных папер эмітэнта з боку ўсіх удзельнікаў рынку, забеспячэнні грамадскай вядомасці і папулярнасці кампаніі, даванні патэнцыяльна неабмежаваных магчымасцей прыцягнення дадатковых фінансавых сродкаў для эфектыўнага развіцця.

Павышаецца таксама інфармаванасць інвестараў аб стане рынку каштоўных папер, што дапамагае ім у выяўленні найбольш прывабнага з пункта гледжання інвеставання прадпрыемства.

У каціравальныя лісты біржы на сённяшні дзень уключаны акцыі 14 акцыянерных таварыстваў з доляй дзяржавы.

Вы можаце знайсці гэту старонку па наступным адрасе:
http://gki.gov.by/by/about-press-news-by/view/aktsyi-sumesnaga-adkrytaga-aktsyjanernaga-tavarystva-kamunarka-ukljuchany-u-katsiravalny-list-birzhy-7673/