Дзяржаўны камітэт па маёмасці Рэспублікі Беларусь Дзяржаўны камітэт па маёмасці Рэспублікі Беларусь Дзяржаўны камітэт па маёмасці Рэспублікі Беларусь

Улік і распараджэнне акцыямі


Дзяржаўны камітэт па маёмасці выступае ад імя дзяржавы трымальнікам акцый, якія належаць Рэспубліцы Беларусь.

У адпаведнасці з Указам Прэзідэнта Рэспублікі Беларусь ад 28 красавіка 2006 г. № 277 "Аб некаторых пытаннях рэгулявання рынку каштоўных папер" улік праў на акцыі, якія знаходзяцца ва ўласнасці Рэспублікі Беларусь, у тым ліку ў гаспадарчым распараджэнні рэспубліканскіх унітарных прадпрыемстваў, або яе адміністрацыйна-тэрытарыяльных адзінак, у тым ліку ў гаспадарчым распараджэнні камунальных унітарных прадпрыемстваў, ажыццяўляецца цэнтральным дэпазітарыем каштоўных папер у Рэспубліцы Беларусь. Цэнтральным дэпазітарыем каштоўных папер у Рэспубліцы Беларусь з’яўляецца РУП "Рэспубліканскі цэнтральны дэпазітарый каштоўных папер" (РУП "РЦДКП").

Дзяржаўным камітэтам па маёмасці з РУП "РЦДКП" заключаны дэпазітарны дагавор і адкрыты рахунак "дэпа", на якім шляхам фіксацыі і захоўвання інфармацыі аб колькасці каштоўных папер ажыццяўляецца ўлік праў на акцыі.

Прыняцце акцый ва ўласнасць Рэспублікі Беларусь ажыццяўляецца шляхам іх залічэння на дадзены рахунак "дэпа", а адчужэнне акцый у камунальную або прыватную ўласнасць – шляхам спісання з рахунку і залічэння на рахунак "дэпа" новага ўласніка.
Распараджэнне акцыямі (долямі ў статутных фондах) гаспадарчых таварыстваў, якія знаходзяцца ў валоданні і распараджэнні Дзяржаўнага камітэта па маёмасці і адміністрацыйна-тэрытарыяльных адзінак Рэспублікі Беларусь, у працэсе прыватызацыі рэгулюецца заканадаўствам аб прыватызацыі.
Пытанні распараджэння акцыямі (долямі ў статутных фондах) гаспадарчых таварыстваў, у тым ліку якія знаходзяцца ў аператыўным кіраванні або гаспадарчым веданні рэспубліканскіх юрыдычных асоб, рэгулююцца Указам Прэзідэнта Рэспублікі Беларусь ад 4 ліпеня 2012 г. № 294 "Аб парадку распараджэння дзяржаўнай маёмасцю" (не распаўсюджваецца на распараджэнне акцыямі (долямі ў статутных фондах) гаспадарчых таварыстваў у працэсе прыватызацыі). Парадак падрыхтоўкі праектаў рашэнняў аб распараджэнні маёмасцю, якая знаходзіцца ва ўласнасці Рэспублікі Беларусь, устаноўлены пастановай Савета Міністраў Рэспублікі Беларусь ад 3 кастрычнiка 2012 г. № 905 "Аб мерах па рэалізацыі Указа Прэзідэнта Рэспублікі Беларусь ад 4 ліпеня 2012 г. № 294 і унясенні змяненняў і дапаўненняў у некаторыя пастановы Савета Міністраў Рэспублікі Беларусь ".

У адпаведнасці з дадзеным Указам Прэзідэнта Рэспублікі Беларусь 
па рашэнні Прэзідэнта Рэспублікі Беларусь ажыццяўляецца:

  • адчужэнне акцый гаспадарчых таварыстваў (долей у статутных фондах), якія знаходзяцца ва ўласнасці Рэспублікі Беларусь, у тым ліку якія знаходзяцца ў аператыўным кіраванні або гаспадарчым веданні рэспубліканскіх юрыдычных асоб, калі іншае не ўстаноўлена Прэзідэнтам Рэспублікі Беларусь;
  • заклад акцый (долей у статутных фондах) гаспадарчых таварыстваў, якія знаходзяцца ва ўласнасці Рэспублікі Беларусь;
  • набыццё ва ўласнасць Рэспублікі Беларусь за кошт сродкаў рэспубліканскага бюджэту акцый (долей у статутных фондах) гаспадарчых таварыстваў, не звязанае з унясеннем маёмасці ў статутны фонд (за выключэннем набыцця акцый (долей у статутных фондах) гаспадарчых таварыстваў пры рэструктурызацыі ў адпаведнасці з заканадаўчымі актамі іх запазычанасці па плацяжах у рэспубліканскі і мясцовыя бюджэты і па крэдытах, выдадзеных банкамі, а таксама іншых выпадкаў, прадугледжаных Прэзідэнтам Рэспублікі Беларусь);
па рашэнні Савета Міністраў Рэспублікі Беларусь ажыццяўляецца:

  • набыццё ва ўласнасць Рэспублікі Беларусь бязвыплатна, у тым ліку з камунальнай уласнасці, акцый (долей у статутных фондах) гаспадарчых таварыстваў;
  • перадача ў давернае кіраванне акцый (долей у статутных фондах) гаспадарчых таварыстваў, якія знаходзяцца ва ўласнасці Рэспублікі Беларусь, калі іншае не ўстаноўлена заканадаўчымі актамі;
  • перадача без пераходу права ўласнасці акцый (долей у статутных фондах) гаспадарчых таварыстваў, якія знаходзяцца ва ўласнасці Рэспублікі Беларусь;
па рашэнні Нацыянальнага банка, Адміністрацыі Прэзідэнта Рэспублікі Беларусь, Кіраўніцтва справамі Прэзідэнта Рэспублікі Беларусь, Нацыянальнай акадэміі навук Беларусі, іншых дзяржаўных органаў і іншых дзяржаўных арганізацый, падпарадкаваных Прэзідэнту Рэспублікі Беларусь, Генеральнай пракуратуры, Следчага камітэта, Дзяржаўнага камітэта судовых экспертыз, Камітэта дзяржаўнага кантролю, тэрытарыяльных органаў Камітэта дзяржаўнага кантролю і фінансавых расследаванняў, судоў, рэспубліканскіх органаў дзяржаўнага кіравання і іншых дзяржаўных арганізацый, падпарадкаваных Ураду Рэспублікі Беларусь, Апарату Савета Міністраў Рэспублікі Беларусь, адміністрацый свабодных эканамічных зон ажыццяўляецца:

  • набыццё ва ўласнасць Рэспублікі Беларусь за кошт уласных сродкаў, акрамя выпадкаў, прадугледжаных у падпункце 1.3 пункта 1 названага Указа Прэзідэнта Рэспублікі Беларусь, у тым ліку з камунальнай уласнасці, акцый (долей у статутных фондах) гаспадарчых таварыстваў, не звязанае з унясеннем маёмасці ў статутны фонд.